Osclaíodh The Garage Theatre sa bhliain 1992 mar thoradh ar thionscnamh de chuid an Choiste Gairmoideachais, Cumann Drámaíochta Mhuineacháin agus An Chomhairle Ealaíon. Cuireadh an maoiniú seo ar fáil chun spás amharclannaíochta gairmiúil a sholáthar. In 2013, athlonnaíodh The Garage Theatre laistigh de Champas Oideachais Mhuineacháin, saoráid nua-aimseartha atá lonnaithe ar Bhóthar Ard Mhacha ar imeall bhaile Mhuineacháin. Tá an amharclann faoi shainchúram Bhord Oideachais agus Oiliúna an Chabháin agus Mhuineacháin (CMETB).

Soláthraíonn The Garage Theatre ionad do ghrúpaí amharclannaíochta taistil atá freagrach as amharclannaíocht ghairmiúil ar ardchaighdeán. Lena chois sin, soláthraíonn The Garage spás le haghaidh grúpaí amaitéaracha áitiúla agus is acmhainn don phobal atá ann freisin.

Tá cáil ar The Garage Theatre as na seónna coiméide, damhsa, ceoil, ceolchoirmeacha agus siamsaíochta do leanaí a reáchtáiltear ann. Chomh maith leis sin, is ann atá Amharclann na nÓg Mhuineacháin lonnaithe a bhfuil Amharclann na nDaoine Óga Sóisearacha lonnaithe ann. Tá aitheantas náisiúnta tugtha ag NAYD d’Amharclann na nÓg Mhuineacháin mar cheann d’Amharclanna na nÓg is fearr in Éirinn agus bhí baint ag go leor daoine cumasacha leis an amharclann le blianta fada anuas. Nuair a osclaíodh an amharclann cuireadh an dráma – “Frank Pig says Hello” leis an scríbhneoir áitiúil Patrick McCabe ar an ardán den chéad uair riamh. Is scannán rathúil atá léirithe ag an léiritheoir duaisbhuaiteach, Neil Jordan, a leabhar “The Butcher Boy” anois.